أنظمة التكييف و التبريد و التمديدات الصحية
Anlagenmechaniker – Sanitär-, Heizungs- und Klimatechnik
الشهادات اللازمة:
صورة عن شهادة التاسع.
المدة:
٣ ونص سنوات.
الدوام :
عبارة عن دوام بالمدرسة وعمل .
المعاش :
مدفوع شهريا حوالي 450-600€ شهريا بأول السنة ويرتفع كل سنة حتى انتهاء الدراسة.
تجربة احد الأشخاص في المهنة
أنا راح احكي عن مقعدي بالأوسبيلدونغ كيف لقيتها بمهنة شوفاجات وتبريد وصحية طبعاً فتت بهالإختصاص وهي مصلحتي بالشام
طبعاً معي شهادة بكلوريا وشهادة معهد هندسي بالنسبة للغة بس كان معي A1 باللغة الألمانية
بس يلي ساعدني لأنقبل هي خبرتي بهالمجال
طبعا وقت قدمت bewerbung كان عن طريق جمعية بتساعد هية بتحبث وبتساعد لتلاقي مقعد بالاوسبيلدونغ سواء كنت الماني او سوري
براكتيكوم
قبل ما بلش عملت براكتيكوم مدته 6 أيام وبعدين قلي الشيف انو انت لازم تحسن لغتك وبعدين منستقبلك
بعدين بعد 3 شهور رحت ووقعت العقد حسب الإتفاق اللي قلي عليه وقت البراكتيكوم
راتبي بالعقد باول سنة هو 665 بروتو وبصير 520 نيتو وهاد بيختلف من شركة لشركة وبحقلي 30 يوم بسنة عطل غير الإجازات المرضية و العطل الرسمية
هلا عنا مدرسة نظرية بتجي 14 اسبوع مقسمة على فصلين وفي عنا دورة كهربا اسبوع ودورة اللحام اسبوعين بأول سنة
بما انه الإختصاص بيعتمد بشكل كبير على الأساسيات اللي هنن كهربا واللحام
طبعا منجي هلق لمحتوى الاختصاص
هالإختصاص بتتعلم في تركيب الشوفاجات بأشكال مختلفة وشوديرات وانابيب الماء والتدفئة بالإضافة لهيك انابيب المازوت والغاز وكل اشكال التدفئة
بالإضافة لهيك منشتغل بـ انابيب الصرف الصحي داخل البناء بتركيبها
طبعا بشكل عام انا اخترت هي المصلحة لانو بعرفها وعندي خبرة مسبقة رغم الإختلاف عن طبيعة الشغل عنا ببلدنا
-الإيجابيات
اللي شايفيها بهالمهنة هي مصلحة حلوة وبحبها ولازم تبدع بأفكارك ومن اهم المصالح بألمانيا لأنو متل ما بتعرفو اهم شي بألمانيا هو التدفئة ومنيحة للمستقبل.
-السلبيات بالمهنة
لازم تكون رياضي وقادر على الحمل وتعتيل والترحيل يعني بدها مجهود عضلي لازم تقدمو للمهنة
بالنسبة للغة اللغة كتير صعبة وخاصة بما يخص المهنة لهيك هلق انا عم كمل مستويات اللغة وانا برأي لتقدر تفوت هيك اختصاص انت بحاجة لمستوى لغة B2 وممكن تقدر تفوت فيه اذا كنت مخلص B1 وبتحسن تحكي بطلاقة
طبعاً برجع بأكد على شي مهم حسب اللي صار معي وهو انو قبولي لهي المهنة اللي بحدده هو الشركة يعني الشركة قبلتني بالرغم انو مستوى اللغة تبعي كان مو كتير منيح بس لقيت الصعوبة باللغة بس بلشت .
من هنا لمعرفة مزيد معلومات عن المهنة وتسجيل فيها
شاهد ايضا أوسبيلدونغ أمين مستودع في المانيا Fachlagerist من هنا
