الشهادات اللازمة:
صورة عن شهادة التاسع.
المدة:
٣ سنوات.
عبارة عن دوام بالمدرسة وعمل مدفوع شهريا حوالي 860€ شهريا بأول السنة ويرتفع كل سنة حتى انتهاء الدراسة.
مستوى اللغة :
B1
(تجربة احد الأشخاص )
السلام عليكم و رحمة الله و بركاته
حابب اليوم شاركون قصتي في المانيا
متل هل الأيام بسنة 2016 كان معي شهادة b1 وقررت سجل اوسبيلدونغ و الحمدلله كانوا شهاداتي معدلين و مجهز كل الأوراق المطلوبة متل السيرة الذاتية وشهادتي المعدلة وشهادتي الأصلية المترجمة وأوراق الإقامة وبلشت راسل الجامعات وراسل الشركات بمناطق مختلفة بألمانيا تقريبا بعثت شي 35 طلب.
الدراسة كانت :
Binnenschiffer/in
مدتها 3 سنوات و فيها يتعلم الشخص كيف يكون مؤهل لقيادة البواخر والسفن في الأنهار ,طبعا الدراسة تشتمل على نظري و عملي .
الجزء العملي
بتكون ع الباخرة لمدة شهر ووممكن توصل لشهرين تشتغل فيه بإعمال مثل الحف و البردخه و التنظيف و التشحيم و الرباط من والى الرصيف والقنوات المائية إلى جانب فن التواصل مع السفن الأخرى و الموانئ ,
بطبيعة الشغل أنا شفتها حلوة و جذابة لأني كل يوم بتكون بمنطقة جديدة و بتشوف ناس جدد ومدن جديدة بالاتحاد الأوربي , ويعتبرها صعبة لان الشغل بيبلش من الساعة 05:30 صباحا حتى الساعة 10:00 مساءا
واغلب الأوقات بكون الشغل متعب جسديا إلى جانب أوقات النوم القليلة,
بعد فترة الشغل يعطوك شهر تقعد فيه بالبيت طبعا مدفوع الراتب و الضرايب و التامين الصحي والفترة بتزيد و بنقص حسب أوقات الشغل و حسب ضرورات بتحددها الشركة ,
طبعا الكل رح يقول منيح اذا اشتغلت اكتر فيعطوك اجار ساعات إضافية ,بس للأسف ما هيك بتصير الامور العقد بنص على اني لازم اشتغل يوميا 8 ساعات
ونظام الشغل بيكون ك الأتي :
استيقاظ 05:30 , فك رباط السفينة والتأكد من جاهزية السفينة للإبحار تستغرق حوالي 45 دقيقة.
الفطور بين 06:00 و 08:00 ما بصير تنام بها الوقت
بداية الشغل 08:00
فترة استراحة او اكل من 12:00_13:00 او 13:00_14:00
فترة شغل حتى الساعة 18:00 هيك بكون الشغل خلص مع البقاء في وضع التاهب لان كل نص ساعة في شي اسمو schleuse
ولازم تكون متواجد للقيام بمهمتك على اكمل وجه بغض النظر انت بفترة راحة او اكل او خارج اوقات العمل الرسمي ,طالما الباخرة عم تبحر لازم تكون جاهز باي لحظة .
وقت انزال المرساة عادة الساعة 22:00 وقتها بكون وقتك الشخصي الي انت حر شو تعمل فيه
اذا كنت بمدينة جديدة ممكن تتفسح تروح و تجي بشرط أني ترجع قبل موعد الإبحار ,أو ممكن تأكل وتنام ببساطة .
وهون برجع بقول منشان الوقت الإضافي طالما انت عم تعمل اوسبيلدونغ كل 24 ساعة شغل اضافي بتتقاضى عليها يوم عطلة زيادة وساعات العمل من 08:00 حتى 18:00
وساعات العمل الإضافية بتكون بعد الساعة 22:00 لا من المتوقع منك انك تكون موجود للقيام باعمالك خلال الفترة بين 06:00 حتى 22:00 .
أكيد الكل رح يسال :
الأكل والشرب على حساب مين؟ على حسابك الشخصي أكيد.
شو منشآن الدخان؟ الحمد لله أنا ما مدخن و اللي بدخن لازم يدخن ع حسابه.
شغله مهمة :صحي هو شغل أو شهرين وبعدين شغل راحة بالبيت بس لاننسى انو خلال السنة لازم تزور المدرسة حتى تتعلم النظري وهيك رح يكون جدولك بالستة كالاتي:
12شهر ناقص 4شهور نظري =8 شهور خلال ها ال8 شهور 4 شغل و 4 بالبيت او ممكن 5 شغل و 3 بالبيت .
لهيك لا حدا يقول 6 شهور شغل و6 شهور بالبيت.
راي الشخصي بالمهنة :
المهنة متل ما اشرحتلكون مهنة حلوة بالسفر و بجوها وانك وقت تخلص الاوسبيلدونغ بتلاقي رواتب عالية قدامك من 2200 يورو وانت طالع,كمان في فترة راحة شهر بالبيت,
سلبيات انا شفتها اوقات الشغل شوي صعبة,والنسبة للانسان اللي عم يدور ع الاستقرار وانو يكون اسرة رح يواجة صعوبات بالمستقبل.
لا تنسى ان تراسل شركات كتيرة من شان زيادة الفرص و القبول بيتعلق فيك و مستوى تعليمك وبقدرتك على ان تحاور اللي قدامك.
لهيك اي شخص بقول اني التسجيل بالاوسبيلدونغ بيحتاج b2انا بقلوا ها الحكي مو صحيح واي شخص متكلم و بيفهم قادر اني يسجل بمجرد قدرتو على المحاورة و المناقشة خلال القابلة .
موفقين جميعا بحياتكن و ان شاء الله درب النجاح و السعادة للجميع .
شاهد ايضا أوسبيلدونغ المصور الفوتوغرافي في المانيا من هنا
من هنا لمعرفة مزيد معلومات عن المهنة وتسجيل فيها
