أوسبيلدونغ رعاية اطفال في المانيا

رعاية اطفال  Kinder Pflegerin

المدة:

مدة الاوسبيلدونغ هي 2 سنوات.

عمل غير مدفوع الأجر

اللغة :

مستوى اللغة الألمانية المطلوب هي B2

تجربة احد الأشخاص

Ausbildung als Sozial Pädgogische Assistentin يعني مساعدة علم اجتماع وتربية

( Kinder Pflegerin ) او بغير مقاطعات اسما (مربية اطفال

مدة الاوس بيلدونج سنتين

عنا بالمقاطعة Schleswig-Holstein اسما schulische ausbildung يعني بتقدم Bewerbung ع المدرسة وهنن بيقبلوك ولا لأ شروطون انو تكون مخلص ال B2 و اذا الواحد بدو تزيد نسبة قبولو الاحسن بيعمل (BFD )Bundesfreiwilligendiesnt يعني سنة تطوعية تكون بروضة وهي انا عملتا هديك السنة

بعدا بشهر Februar بتعبت ال Bewerbung وبشهر April بتستلم الرد من المدرسة

المدرسة

المدرسة بتبلش حسب كل مقاطعة عندي

انا بلشت ب شهر 05/09 هل السنة يعني لساتي بسنتي الاولى

فيا مواد متل فلسفة ، علم اجتماع ،علوم،الماني، إنكليزي، بدرسوك عن تطور الأطفال وكيف الواحد لازم يتعامل معون والخ….

وعنا هون بالمقاطعة بتقدر تعمل معها fachhochschulreife يعني بكالوريا اللي عن طريقا ما بتقدر غير تدخل ع fachhochschule الجامعة العملية ما بعرف شو اسما بالعربي

بس لازم تضيف رياضيات وانكليزي (extra ) لموادك

بشهر Februar منروح ع Praktikum اللي هو بطول 10 اسابيع لازم يكون طبعا حصرا بروضة ولازم تكتب berichte عن البراكتيكوم وتراقب الولاد طبعا وهيك شغلات

بعد الانتهاء من السنة الاولى

وبس تخلص السنة بتجي السنة الثانية اللي كمان ببداية السنة لازم تبدأ بب Praktikum وطبعا بتصيير اصعب بصير عليك واجبات اكتر ولازم تكتب اكتر وبتراجع ع المدرسة وبتخلص وبتخرج

لايجابيات طبعا اذا الواحد بيحب الولاد ومساعدة الناس هي مهنة كتير ممتازة الو لانو بتقدر بعدين تشتغل حتى بهايم ولحد الان انا مستمتعة بالدراسة فيا السلبيات انو الحكي فيا كتير كتير

مهم يعني بالنسبة للعالم اللي لسا ما بقدور يحكي منيح رح تكون شوي صعبة لان العلامات بهي المهنة موزعين 60% للحكي والمشاركة و40% للمذاكرات يعني بدا شوي يكون الواحد ما بيخجل.

شاهد ايضا أوسبيلدونغ رجال الاطفاء في المانيا من هنا

اترك رد

لن يتم نشر عنوان بريدك الإلكتروني.

This website uses cookies to improve your experience. We'll assume you're ok with this, but you can opt-out if you wish. Accept Read More