أوسبيلدونغ مساعد طبيب أسنان في المانيا

الاسم بالألماني : Zahnmedizinische Fachangestellte

مساعد طبيب أسنان

الشهادات اللازمة:

صورة عن شهادة العاشر وما فوق .

المدة:

مدة الاوسبيلدونغ ٣ سنوات.  

عبارة عن دوام بالمدرسة وعمل مدفوع شهريا حوالي 740€ شهريا بأول السنة ويرتفع كل سنة حتى انتهاء الدراسة.

اللغة :

مستوى B2 في اللغة الألمانية

عند الانتهاء من الاوسيبلدونغ يكون الراتب من 1700 الى 2150 يورو برتو

تجربة احد الأشخاص

انا بلشت الاوسبيلدونغ من 6 شهور وهو عبارة عن مساعدة طبيب آسنان

هالمهنة كتير حلوة و ممتعة انا حلمي ان ادرس طب اسنان و لسا ما قدرت بلش جامعتي لهيك دخلت بهالمهنة

الوظائف يلي ممكن انا اعملها كثيرة و متنوعة ممكن كون بالمعاينة و بهالحالة انا بكون يد الطبيب اليمنى …

 و بقوم بكتير مهمات بالمعاينة و العلاج ..

ممكن كمان استلم امور ادارة العيادة كالحسابات و الصادر و الوارد و كل الامور المكتبية ..

بالاضافة للتعامل مع المرضى و إدلاء النصائح و إرشادهم بكتير مجالات …

بياخدو الطلاب بعد صف العاشر و من ناحية اللغة أنا بنصحكم بمستوى عالي اكثر من b1 لان المواد كثيرة و بدا تعب كتير و بالإضافة لأني بكون دايما مع المرضى و لازم اتواصل معن بسلاسة و طلاقة لهيك انا بدأت بعد c1 الدوام بكون يومين بالمدرسة و 3 أيام بالعيادة او بالمشفى الطبي للأسنان

ايجابيات المهنة

من إيجابيات المهنة للشخص يلي عندوا بكالوريا ممكن يختصر الوقت و يتعلمها بسنتين و انا عم ساوي سنتين و لان علاماتي ممتازة اجاني عرض اني اختصر كمان 6 شهور

بس يمكن ما اخدو لان راح يصير ضغط كبير علي أن أتعلم مواد ال 3 سنين بسنة و نصف ..

الصعوبات المهنة

لكن من الصعوبات هي ان رح تتعلمو فيها مواد باللغة اللاتينية و رح يزيد هالشي من الحفظ و التعب و فيها رياضيات و محاسبة .. تاريخ و انكليزي .. اجتماعيات و أدارة العيادة .. و فيها مواد خاصة بالطب و الى ما هنالك

بالإضافة أن عندي دفتر لازم اكتب فيه عطول شو تعلمت و ايمتا التاريخ و بوقت الامتحان بيقدرو يشوفو شو ساويت انا بفترة تعليمي كلها

من هنا لمعرفة مزيد معلومات عن المهنة وتسجيل فيها