معهد معلوماتية
Fachinformatik
اوسبيلدونغ fachinformatiker اوسبيلدونغ شبكات اوسبيلدونغ صيدلة اوسبيلدونغ طيران اوسبيلدونغ it في المانيا اوسبيلدونغ مبرمج اوسبيلدونغ في المانيا 2019 اوسبيلدونغ اعلام
الشهادات اللازمة: صورة عن شهادة العاشر.
المدة: ٣ سنوات.
عبارة عن دوام بالمعهد وعمل مع الشركات باقي الأسبوع مدفوع شهريا حوالي 830-930€ ويرتفع كل سنة حتى انتهاء الدراسة.
تجربة احد الأشخاص في هذه المهنة
بالنسبة الي كان مخططي ارجع عالجامعة بعد ما نقطعت لمدة 4 سنين فمشان هيك قدمت مستويات اللغة كلها لـ C1 و فحص القبول الجامعي
بنفس الأثناء راجعت الجامعة بالمدينة يلي انا فيها فكانت مشكلتي انو لازم بلش دراستي من اول وجديد.. ما رح ارجع لمكان ما نقطعت دراستي (سنة رابعة او ثالثة)
طبعا بنفس الوقت عم فكر بمشاكل التمويل وانو ازا ضليت بجامعة رح ضل عم اخد من الدولة
لذلك بلشت فكر بحال بديل عن الرجوع ع الجامعة بحثت ع النت عن الدوال شتديوم او الاوسبيلدونغ وقريت انو فرص الدوال شتديوم كتير صعبة وانا كنت مخلص فحص قبول الجامعي بشهر 06.2016 واقرب اوسبيلدونغ رح يبلش بعد شهرين
ف أخدت قرار انو لازم بلش راسل الشركات وابعتلن خطابات وظيفية.
طبعا عندي خبرة بمجال المبيعات وعندي معرفة بالـ IT
تقدمت لـ 7 شركات كل شركة خطاب وظيفي مستقل
شركتين من شركاتك دوال شتديوم مهنة Wirtschaftinformatikوخمسة اوسبيلدونغ عادي بإختصاصات Fachinformatik , Informatikkaufman ,
تم الرد من قبل شركتين ومنهن شركة لدوال شتديوم
طبعا طلبوني لمقابلات الشركتين
الشركة الأولى (دوال شتديوم) بالمقابلة خبروني انو البقيان مقعد وعدد المرشحين عليه سبعة وانا التامن
الشركة الثانية (الاوسبيلدونغ) اختصاص Informatikkaufman شركة ضخمة وكبيرة
رد الشركات
اوسبيلدونغ معهد معلوماتية Ausbildung Fachinformatik اوسبيلدونغ معلوماتية فرع (هندسة برمجيات) Fachinformatiker
بعدين ردولي خبر الشركتين
الاولى انو خسرت الدوال شتديوم واخد المقعد طالب غيري بس رح يقدمولي حل بديل Fachinformatik
الثانية خبرتني انو لازم اعمل مقابلة مرة تانية
بعدين الشركة الثانية وافقت يعني اجتني موافقتين بأوسبيلدونغ من شركتين
اخر شي اخترت Informatikkaufman لقوة الشركة وضخامتها
بلشت المهنة تبعي 01.08.2016 وعملت براكتيكوم قبل بشهر بقسم المبيعات
بالنسبة لهالمهنة هي مهنة جديدة بالنسبة للسوريين فهي مهنة بين التسويق وبين البرمجة يعني اماكن الحركة فيها واسعة فينا نصنفها بالإنكليزي IT-Busniss
بالنسبة للدراسة مجال دراسها جداً واسع وصعب ولازم تحكي الألماني بطلاقة ويكون عندك مصطلحات قوية ضمن المهنة ولازم تكون مرن جداً .
كذلك تقسم الدراسة لنقلات مطلوب من كل طالب بالـ 3 سنين يمرق على اقسام تحت ايدين مشرفين مختلفين
الية العمل
الية الشغل : ضمن شركة : بحجز stelle كل فترة شهر ونص لـ 3 شهور لقسم بخص مهنتي .. بتدرب ضمنو على كلشي بخص القسم تحت اشراف مشرف بعلمني كلشي بخص القسم .
وبيعطيني مهام يلي هي جزء من عمل موظفين وبشتغل ضمن فريقن ليخلص عقدي الصغير معهن
ومن خلال هالالية ضمن الـ 3 سنوات بمرق على اغلب الأقسام بشركة وبحترف مهنتي.
بعض اقسام الشغل يلي لازم امرق عليها (البرمجة وتصميم مواقع والمبيعات و الإدارة المشاريع وتحليل مخططات مستقبلة ونمو الإيرادات وذكاء تجاري).
القسم الدراسي مناخد مواد مختلفة من IT و وانكليزي ومجتمع وتربية وقانون الماني
بالنسبة للدوام ضمن الشركة 7 ساعات ونصف لمدة ثلاث سنوات
مع وجود عطل كل سنة 30 يوم ع حساب الشركة
باخد راتب من شركة 920 للسنة الاولى ورح يتزايد لخلص 3 سنين
الرواتب بعد انهاء الدراسة بتبلش بعد التخرج ب 2000 وقابل للزيادة
ممكن دراسة Weiterbildung بعد التخرج وممكن يوصل الراتب إلى 5000 شهرياً حسب الشركة طبعاً
وحابب خبركم شغلة كل الطلاب يلي عرضو قصتهم قبلي ما قالوها في شي اسمو Berichtsheft وهو تقرير لازم يكتبو كل طالب اوسبيلدونغ
هاد التقرير هو اجباري بينرفع لـ Handelskammer ليعرفو انت شو بتعمل بشركة
غالباً بدك تكتب بشكل دوري كل اسبوع شو عملت بشركة او بالمدرسة وشو المهام وشو تعلمت منها
وغالباً ما بيكون الأسئلة تبع الفحص التخرج من كتابتك يلي أرسلتها ضمن الثالث سنين.
شاهد ايضا اوسبيلدونغ ميكانيك وكهرباء الآلات في المانيا من هنا
