أوسبيلدونغ موظف الإدارة الصناعية في المانيا Industriekaufmann

Industriekaufmann

موظف الإدارة الصناعية

الشهادات اللازمة:

Fach-Abitur

المدة:

٣ سنوات.

عبارة عن دوام بالمدرسة وعمل مدفوع شهريا حوالي 830-930€ شهريا بأول السنة ويرتفع كل سنة حتى انتهاء الدراسة.

مستوى اللغة :

B2

السلبيات:

اللغة اللغة …….. المواد بالمدرسة سهلة وممتعة بس بسبب الكلمات الاختصاصية بتحس حالك مو فهمان شي

بالنسبة للشغل مافي اي سلبيات ماعدا نفس النقطة الأولى ويلي هي اللغة

تجربة احد الأشخاص في هذه المهنة

اسمي ضياء من سوريا, عمري 32 سنة, حاصل على بكالوريا تجاري مقيم قرب ديسلدورف منذ 3 سنوات.

بدي خبركن عن تجربتي بالحصول على فرصة تدريب مهني اختصاص بائع في الشركات الصناعية Industriekaufmann.

بالبداية طبعا بدأت بتعلم اللغة حتى مستوى B1 وبعدها عملت دورة لغة متعلقة بالعمل (لغة B1+ رياضيات + كومبيوتر) لمدة 6 أشهر ومن ضمن الدورة كان في براكتيكوم لمدة شهر.

طبعا مفتاح الحصول على التدريب بالنسبة الي كان البراكتيكوم, بلشت دور على براكتيكوم عن طريق المرشدة الاجتماعية يلي كانت تساعدنا بالهايم

وبالفعل لقيت اكتر من براكتيكوم وكان سبب اختياري لهي الشركة لانها شركة عالمية وبالمقابلة فهمت انو في فرصة تدريب مهني.

خلال البراكتيكوم كان ماعندي اي مشكلة بالشغل لاني كنت اشتغل بسوريا كمان بشركة صناعية وعندي خبرة بالعمل المكتبي وهنن انتبهوا لهالشي وبنهاية البراكتيوم قدمولي عرض

إني اعمل اوسبيلدونغ عندن وطبعا وافقت من دون تردد.

كان في وقت ليبدأ الاوسبيلدونغ مشان هيك الجوب سنتر بعتني على مدرسة وعملت فيها B2+ والجوب سنتر رفض اني بلش متل الباقي باول ايلول, فالشركة خلتني بلش ببداية حزيران.

بالنسبة للراتب والدوام والمدرسة حسب ما فهمت الموضوع مالو مقياس محدد, المقصود كل مدرسة ألها منهاج وكل شركة عندها نظام داخلي. طبعا بالنهاية الفروقات بسيطة ولح خبركن عن الشركة والمدرسة يلي بداوم فيهن:

الدوام بالشغل 3 أيام والمدرسة يومين ( اذا بالمدرسة اكتر من 6 حصص مافي داعي ارجع للشغل بس اذا اقل لازم كمل الدوام بالشركة)

مواد المدرسة هنن كالتالي:

Geschäftsprozesse/Betriebswirtschaftslehre ( اهم مادة بكل الاختصاص, بتشرح عن الشركات وعن تامين المواد الاولية

وكيف ممكن تحسب الكميات يلي بدك تطلبها وكيف ممكن تحلل احتياجات الشركة)

Wirtschafts- und Sozialprozesse ( بتحكي عن القوانين بالبيع والشراء والعقود وحتى عن قوانين الاوسبيلدونغ وشو الواجبات والحقوق وبتحكي عن دراسة السوق كعرض وطلب)

Organisationslehre ( هي المادة تابعة للمادة الاولى وبتحكي عن انواع الهيكل التنظيمي بالشركات والوصف الوظيفي وفيها عملي على الكمبيوتر متل البوربوينت وكيف تخطط لمشروع او تعمل خريطة تدفق لعملية)

Mate ( كمان تابعة للمادة الاولى وطبعا رياضيات بسيطة وممتعة)

Rechnungswesen ( محاسبة متل يلي بسوريا مدين ودائن وطبعا بيركزو على الضرائب بشكل كتير كبير)

Politik ( فيها تنوع شوي منحكي بشكل عام عن السياسة وشوي منحكي عن  مجلس تمثيل الادارة وكمان عن التامين الالزامي بالمانيا )

Religion ( بتحكي عن الاخلاق والضمير وعن تبرع الاعضاء والاعياد وطبعا هي مادة اختيارية بيقدر الواحد مايحضرها, شخصيا حضرتا واعتبرتا دروس لغة)

طبعا في مواد تانية بتجي بالسنة التانية والتالتة.

وبالنسبة للشغل لازم كل كم شهر داوم بقسم وطبعا المهام لح تختلف من قسم لتاني وبالنسبة للمدة متل ماقلت كم شهر بس مافي مقياس لانو كل شركة الها خصوصيتها,

من هنا لمزيد من معلومات وتسجيل في هذه المهنة من خلال هذا الموقع

اترك رد

لن يتم نشر عنوان بريدك الإلكتروني.

This website uses cookies to improve your experience. We'll assume you're ok with this, but you can opt-out if you wish. Accept Read More