صيانة مهلة و الاحتفاظ بلم شمل في المانيا

الشرح طويل بس مهم جدا ومشروح بتفصيل الملل لأنو لهلأ في عالم مو سمعانة بهالقصة وفي عالم كتير راح عليها لم الشمل لأنها مابتعرف هالورقة!

ما هي صيانة مهلة او الاحتفاظ بلم شمل في المانيا

صيانة المهلة أو الاحتفاظ بلم الشمل هية عبارة عن ضمان لحق اللاجئ في ألمانيا بلم شمل عائلته مهما تأخرت العملية..

يعني بشكل أبسط.. عندما تحصل على إقامة 3 سنين يجب عليك ان تخبر الأوسلندر المسؤول عنك أنو انت عندك لم شمل لعائلتك يلي هنن على سبيل المثال زوجة وطفل..

لأنو ليس من المعقول انت تحجز موعد بسفارة ألمانية وتعمل عائلتك بعد سنة المقابلة وفجأة بيتفاجئ الأوسلندر انو السفارة م تخاطبو وترسل له ملف عائلتك ليت موافقة عليه وهو ليس لديه فكرة عن الموضوع وهو آخر من يعلم!

لذالك يجب انت تخبر الأوسلندر خلال ال3 أشهر الأولى انو عندك لم شمل.. ال3 أشهر هي اسمها “المهلة” يلي المفروض انت خلالها تلم الشمل.. بس بسبب المواعيد البعيدة بالسفارات

اصبحت انت لازم تخلي هالمهلة وقتها مفتوح عن طريق تعباية طلب اسمها “صيانة المهلة”.
من اين ناتي بهذا الطلب؟ وكيف منعبيه؟

تعبى الطلب من قبل الكاريتاس او الصليب الاحمر او الديكواني

♦1- لحد بداية عام ال2016 كنت بتعبي هالطلب عن طريق الكاريتاس او الصليب الأحمر أو الديكواني أو الآفو..
وهوي بكون عبارة عن ورقة وحدة مكتوب فيها (بخط ايد او عالكمبيوتر) سطرين باللغة الألمانية وبعدين مكتوب أسماء عائلتك ومواليدهن..

بكفي نعبي هالورقة؟
أكيد لا, انت بحالة عبيت هالورقة ف انت خبرت الصليب او الكاريتاس انو عند لم شمل بس انت ما خبرت الجهة المسؤولة اللي هية الأوسلندر!


لهيك لازم تاخد هالورقة وتقدمها للأوسلندر وهنن بدورن بياخدو المعلومات من الورقة وبيختمولك ياها.. وبعدين انت بتبعتها لعائلتك تاخدها معها عالمقابلة.

♦ 2- ببداية سنة 2016 نزل موقع من وزارة الخارجية الألمانية خاص باللاجئين ليقدروا يعملوا صيانة المهلة عن طريقو وبيقدروا يعبوا استمارات الفيزا كمان.
الموقع باللغة العربية وفيه لغة انكليزية وألمانية…

وطبعاً لازم تعبي الطلب من تاريخ صدور إقامتك..
بتدخل عالموقع وبتختار الخيار رقم 2, وبعدين بتعبي الفراغات بالأحرف اللاتينية حصراً (بالألماني أو بالانكيزي) وحصراً المعلومات متل مو مكتوبة بجوازات السفر.

بتعبي لكل فرد بالعيلة بدك تعملو لم شمل صيانة مهلة لحالو.

بس تخلص تعباية الاستمارة بتكبس “المزيد” وبيفتح صفحة جديدة بيعرضلك الاستمارة كاملة معباية.. وهون انت فيك تحفظها بصيغة pdf


بتبع لعائلتك ملف الpdf عن طريق الواتس أب أو عن طريق الايميل..

لا تطبعها انت وترجع تسحبها سكنر وتبعتلن ياها ويرجعوا يطبعوها..

لأنو الاستمارة فيها باركود والباركود موجود فيه كل المعلومات يلي عبيتها انت وأهم شي موجود فيه هوي التاريخ يلي انت عبيت فيه هالطلب..

وإذا طبعتها وسحبتها سكنر ورجعت عيلتك طبعتها ف ممكن أنو الباركود ماعاد يشتغل (ماعاد ينقرأ) وهيك بتكون ضريت حالك.

ويلي بعبي الطلب عالموقع مااااافي داعي يختمو من الأوسلندر إذا بعد ضمن ال3 أشهر الأولى.. يعني إذا راحت عالأوسلندر لتحتمو ومارضي يختملك ياه ف عادي هالشي لاتخاف.

تخطيى مدة 3 اشهر ولم تعمل الطلب ؟

أنا اتخطيت مدة ال3 أشهر وماعملت هالطلب.. راح عليي لم الشمل؟
الجواب هوي لا, عندك حلين:

الأول انك تعبي هالطلب من الموقع وتروح عالأوسلندر تجرب يختمولك ياه.. إذا كان الموظف متعاون ومتفهم بيختملك ياه وهيك بكون مشي حال..


الحل التاني فس حال مارضي الأوسندر يختملك الطلب.. لازم تشتغل بعقد عمل أبيض وتجيب عيلتك ع حسابك.. شروط الكفالة بتاخدها من الأوسلندر عندك.

تعبى الطلب من قبل الصليب الاحمر

الصليب الأحمر عبئ الطلب (♦1 ) بس ما أخدتو عالأوسلندر ختمتو.. بمشي الحال؟
بترجع لعند اللي عبالك الطلب وبتخليه يحاكي الأوسلندر ويشرحلن القصة وبعدين بتروح عالأوسلندر بتختمو.

تخطى 3 اشهر بعد الاقامة

طلعت إقامتي من زمان بس لبعد أكتر من 3 شهور لوصلتني..راح عليي لم الشمل؟

أكيد لا, بتعبي الطلب عن طريق الموقع وبتروح عالأوسلندر بتحاول بتختمو..

إذا مارضيوا يختموه بتحتفظ بالظرف الأصفر يلي إجاك فيه قرار الإقامة.. بكون مكتوب عليه تاريخ التسليم.. هارد بتسحبو سكنر وبتبعتو لعائلتك بتاخدوا هوي وطلب صيانة المهلة معن عالمقابل.

حماية ثانوية

معي حماية ثانوية (إقامة سنة وحدة) … في داعي اعمل صيانة مهلة؟
نحنا منفضل انك تعملها ((((للاحتياااط)))).

تعبئ الطلب هل يجب ختمها من اوسلندر

أنا الصليب الأحمر عبالي الطلب رقم 2 (من الموقع) .. في داعي اختمو من الأوسلندر؟
لا مافي داعي.. أي طلب معبى من الموقع وعليه باركود مافي داعي ينختم من الأوسلندر بغض النظر مين معبيه.

الموقع:
http:// https://fap.diplo.de

يلي مابيفتح معو الموقع ينسخ الرابط ويفتحو بغير متصفح.
والمواليد بالموقع بتنكتب عالشكل التالي: 20.09.1987

شاهد ايضا الاوراق المطلوبة لتقديم طلب لم الشمل للعائلات بالبنان من هنا

قسم الاسئلة

  • هل تريد الحصول على معلومات اضافية ؟
  • هل لديك اسئلة ؟
  • اتمنى تركها في تعليق بلاسفل لكي يتم مساعدتك لحصولك على جواب !!!!
تعليق 1
  1. MOHAMMAD يقول

    انا عندي اقامة 3 سنوات و بتاريخ 6/2019 جددتها و من وقت استلمت الإقامة الاولى بتاريخ 6/2016 مباشرة عملت ورقة الاحتفاظ بلم الشمل بس كانت في ظروف و منعتني من لم الشمل ضمن اول 3 سنوات. سؤال هل ورقة الاحتفاظ بلم الشمل بتكون لساتها شغالة بعد تجديد الاقامة ؟

اترك رد

لن يتم نشر عنوان بريدك الإلكتروني.

This website uses cookies to improve your experience. We'll assume you're ok with this, but you can opt-out if you wish. Accept Read More