طريقة التقديم عكافة فروع الاوسبيلدونغ او البراكتيكوم والدواليس شتوديوم

طريقة التقديم عكافة فروع الاوسبيلدونغ او البراكتيكوم والدواليس شتوديوم

(يرجى مشاركة المقالة لتوصل الفائدة للجميع لأن الكل بحاجة لهي المعلومات)

كل واحد فينا بكون اختار المهنة يلي حابب يدرسها بس مالو عرفان شو يبلش او من وين او شو لازم يعمل
مثلا انا قررت ادرس اوسبيلدونغ برمجة، وبعدين شو لازم ساوي؟؟؟
التقديم عالاوسبيلدونغ بيحتاج شغلتين مهمين جدا وممكن
هنن:

1-Unternehmen (الشركة او مكان العمل)
2 -Bewerbung (السيفي الشخصي)

يعني تجهيز السيفي واختيار مكان العمل

Unternehmen (مكان العمل):


الخطوة الأولى يلي راح بلش فيها هية اختيار مكان الاوسبيلدونغ تبعي مشان قدم عندون طلب
مثلا انا اخترت كون ميكانيكي سيارات كيف لازم بلش؟
اول شي بحدد شركات السيارات والميكانيك او ورشات العمل
مثلا BMW او مارسيدس
ساعتها بقدم طلبي عالشركتين.
……….
مثلا حابب صير ممرض
ساعتها بحدد اسماء المستشفيات يلي حابب اشتغل فيهون وبقدم طلبي عندون
مثلا حابب اعمل اوسبيلدونغ صيدلة
بحدد الصيدليات يلي حابب قدم عندون
وببعتلون طلب التقديم

Bewerbung (السيفي):


هون بالمانيا اهم شي السيفي تبع الشخص وكل قبولك لح يتم بناءا عليه
ولازم تتعامل معو بعناية كبيرة وبيتكون من :

1- ملف الصورة او الغطاء:
Deckblatt


بتكون موجودة عليه صورتك واسمك واسم الاوسبيلدونغ يلي عم تقدم عليه وكاتب عليه المحتويات
ملاحظة هامة: الصورة ضروري جدا تساويها باستديو خاص
هون بالمانيا بكل الاستديوهات تبع التصوير في شي اسمو Bewerbungsfoto صورة السيفي ويفضل تاخدها على فلاشة بتكون اغلى شوي بس افضل (مشان التقديم اون لاين لح نشرح عنو بالبوست)
ملاحظة هامة: خلي فاتورة الصورة معك لان الجوب سنتر برجعلك تكلفتها يعني المصاري يلي يتدفعون بيرجعولك


2 – طلب التقديم:
Anschreiben

بتكتب فيه عدة امور مثلا انت بدك اوسبيلدونغ صيدلة واخترت صيدلية ساعتها بتكتب بطلب للتقديم ليش اخترت تكون صيدلي وليش بدك بالذات عند هي الصيدلية تتوظف
كمان نفس الشي للميكانيك اذا بدك تتوظف عند مارسيدس مثلا بتكتب بطلب التقديم ليش بدك تصير ميكانيكي وليش بدك بالذات عند مارسيدس
يعني باختصار بتكتب شوية معلومات عنك و بتمدح مكان العمل وضروري جدا تكون بتعرف معلومات كتيرة عنو
وتكتب ليش انت مناسب للشركة وللمهنة
وضروري يكون مكتوب بدون اخطاء املائية


3 – السيرة الذاتية:
Lebenslauf

وفيها بتكتب كل شي معلومات عنك من وقت خلقت للحظة الحالية
1- رحلتك الدراسية مع التواريخ واسماء المدارس
2- نشاطاتك الاجتماعية يلي عملتا بحياتك مثلا اعمال تطوعية او هيك شي
3 – الشهادات يلي حصلت عليها
4- المهارات الشخصية مثلا بتحكي انكليزي او بتساوي مهن يدوية
5- الهوايات
وطبعا ايميلك ورقم تلفونك وعنوانك الحالي مشان اذا بدون يتواصلو معك
ملاحظة هامة جدا: خلي ايميلك باسمك الشخصي متل الاوسفايز تبعك
يعني مثلا اسمك كان محمد
لاتكتب ايميلك مومو
Momo@gamil…..
خليه باسمك
Mohamad@gmail….
وضروري يكون تصميم السيرة الذاتية حلو
فيه عدة برامج عالكمبيوتر فيك تصمم عليهون
وفي مواقع بتزل من عليها نماذج جاهزة
بتروح عكوكل وبتكتب
Lebenslauf World Vorlage
وفيك تحملهون مجاني


الشهادات:

Zertifikate
طبعا كل الشهادات يلي حاصل عليه
ان كان تاسع او بكلوريا او انكليزي او جامعية او اي شي
…………………….
طريقة التقديم :
يوجد ثلاثللتقديم
1 – عالانترنت (اونلاين):
بكون عن طريق البحث عن موقع الشركة اونلاين في كوكل والدخول الى الموقع
ثم البحث عن Ausbildung frei stelle
والتقديم عليها
2 – عن طريق البوست: بتسأل على عنوان الشركة يلي بدك تدرس عندون وبتبعتلون وراقك بالبوست
3 – التقديم الشخصي: يعني بتحمل حالك وبتروح يتعطيهون وراقك.


ملاحظات هامة:

1-اهم شي انك تقدم طلبك لعدة شركات او اماكن لان في احتمال يرفضوك ببعض الشركات
يعني اقل شي بعات طلبك لعشر اماكن
والافصل اكتر
وفي حال اجاك قبول اكتر من مكان ساعتها انت بتختار انو الافضل
2 – لا تزعل اذا اجاك رفض لان هاد كتير بصير حتى مع الالمان يعني الواحد مالازم يفقد الامل لازم يضل يحاول
3 – لاتكذب بالمعلومات يلي عم تكتبها بطلب التقديم لان وقت يعملولك مقابلة لح يسئلوك عكل شغلة كاتبها بالسيفي تبعك


في حال اجاك قبول مبدئي
Zusage الأسم باللغة الالمانية
هناك عدة احتمالات بتكون للخطوة التالية ويلي هنن :

1 – مقابلة شخصية

بيعطوك موعد وبتروح لعندون وبيحكو معك وبيسألوك عن معلوماتك وبيتعرفو عليك
والافضل بهي الحالة انك تروح بلباس رسمي
نسبة الحصول عالاوسبيلدونغ بهي المقابلة 90%

2 – مقابلة مع فحص

Assessment Center الاسم باللغة الالمانية
هون بيعطوك موعد لتجي تعمل فحص ومقابلة شخصية بنفس الوقت
بيعملولك فحص باللغة الالمانية طبعا وبيتضمن معلومات عامة ورياضيات
وايضا بيتضمن مقابلة شخصية
نسبة الحصول عالاوسبيلدونغ هية 50% لان مابتكون لحالك يعني بهي الحالة بتكونو كذا شخص من المتقدمين يلي ختاروكون

3 – مقابلة عالهاتف

ساعتها بيتصلو فيك وبيسألوك عبعض المعلومات
ونسبة القبول بتكون 30%


واذا لقيت حدا الماني يساعدك بكتابة Bewerbung بكون منيح مشان ماتعمل اخطاء املائية
ملاحظة: انا كتبت الاسماء باللغة الالمانية مشان اذا بتحبو تدورو عكوكل وتشوفو امثلة وتعملو افضل شي
وهيك منكون خلصنا شرح

شاهد ايضا طريقة العمل في ألمانيا من هنا

اترك رد

لن يتم نشر عنوان بريدك الإلكتروني.

This website uses cookies to improve your experience. We'll assume you're ok with this, but you can opt-out if you wish. AcceptRead More