بالنسبة للاجئين السوريين الي تركوا جامعاتهم بسوريا وحالياً هني بألمانيا وحابين يكملوا تعليمهم …
الخطوات تكون كالتالي :
تعلم لغة ألمانية
1- تعلم لغة ألمانية لتوصل لمستوى DSH لإنه 99 % من الجامعات الألمانية الحكومية عم يكون التدريس فيها حصراً باللغة الألمانية
مراسلة الجامعات
2- راسل الجامعات بإنك تقدم كل شهاداتك وكشف علاماتك للسنوات الي أنجزتها بسوريا مترجمة ومصدقة مع بقية الأوراق الكلاسيكية متل السيفي ورسالة الدافع وشهادة لغة ألمانية
قرارة دراسة
3- إنت كلاجئ بس قررت تدرس , رح تتوقف عنك مصاري الجوب سنتر أو الآربيتس أمت بس إذا كان عمرك تحت ال 30 سنة بحقلك تقدم على شي اسمه قرض طلابي
إذا بدك تقدم على جامعة وتحت ال 35 إذا بدك تقدم ع ماستر
القرض الطلابي اسمه BAföG في المانيا
متلك متل أي طالب ألماني اسمه BAföG
القرض بيكون 600 يورو بس نوعاً ما بكفوك مصروف شهري لتدرس وما تضطر تشتغل وتدرس في عام 2019 يلي يعني في هذا السنة تم رفع القرض الطلابي
وبالنسبة ل ترجيع القرض بيكون كتير كتير بسيط مو أكتر من 100 يورو شهريا وهذا الحكي بس يصير عندك شغل وراتب محترم
خبرتني الموظفة إنه ما شرط ترجع كامل المبلغ
والأهم إنه إذا طلعت من العشرة الأوائل تعفى من ترجيع القرض
اقرا من هنا جميع تفاصيل القرض الطلابي الألماني BAföG وشروطه
العمر في تقدم القرض الطلابي في المانيا
توضيح لموضوع العمر : لطلاب الجامعة لازم يكون عمرك تحت ال 30 ولطلاب الماستر لازم يكون عمرك تحت ال 35
إلي عمرهم فوق ال 35 وقرروا يعملوا ماستر مثلا فللأسف بدهم يشتغلوا ويدرسوا وهالشي صعب صحيح بس كمان تعب سنتين وبعدين فرصهم ليلاقوا شغل بشركة ألمانية أو دكتوراه بتصير مضمونة 100 بالمية …
ما سمعت عن أي شخص أخد ماستر من ألمانيا وما تيسرت كل أموره بعد الماستر سواء جوا ألمانيا أو خارجها
في حل تاني لطلاب الماستر حصراً بس ماني متأكدة إذا لساته ساري المفعول وهي منظمة كنسية اسمها ESG بتعطي منح لطلاب الماستر الأجانب ..
فيكم تراسلوهم بالمدينة الي انتو فيها وخاصة إذا خلصتوا فصل بالماستر و فرجيتوهم علامات مميزة بالجامعة …فرصكم بالمنحة بتكبر
الدراسة في ألمانيا : أسئلة متكررة
نصيحتي لكل جيل الشباب الي قدم لجوء بألمانيا : كملوا تعليمكم .. الشهادة الألمانية بوابتكم لكل العالم مو بس لألمانيا ولو فيها عذاب بس بعدها بتجنوا ثمار التعب
بالتوفيق إلكم والله يكون بعونكم لإنه بس المغترب بيعرف وضع المغترب
